Shkrimtarja dhe përkthyesja e mirënjohur shqiptare Mira Meksi ka njoftuar sot lajmin e hidhur të ndarjes nga jeta të nënës së saj.
Lajmin e ka dhënë vetë shkrimtarja në faqen e saj të facebook ku shkurtimisht ajo ka pasqyruar gjendjen e rënduar shpirtërore për shkak të humbjes së madhe e të pazëvendësueshme.
“Eleonora e bukur, mamaja ime, u fik nëngjesin e sotëm. Iku në gjumë si engjëjt. Qielli u pasurua por mua më kanë shkulur zemrën.”- citon Mira në postimin e saj në facebook të ndarë me miqtë, kolegët dhe dashamirësit.
Meksi është nderuar me mjaft çmime prestigjioze shqiptare dhe të huaja, ku vlen të përmendet çmimi “Përkthimi më i mirë i vitit 2006 ” në romanin “Kujtim Kurvash të Trishta” nga Gabriel Garcia Marques dhënë nga Ministria e Kulturës.
Vepra e shkrimtares Mira Meksi, është përkthyer në disa gjuhë të huaja si dhe është botuar nga disa shtëpi të huaja prestigjoze, ku përmendim botimin e Romanit “E Kuqja e Demave”, i cili është rishkruar nga vetë autorja në frëngjisht dhe është botuar në Paris, nga shtëpia Botuese “Persee”.
Në vitin 2014, romani “Mallkimi i priftëreshave të Ilirisë” ka përfaqësuar Shqipërinë në kompeticionin për çmimin letrar “Ballkanika”.
Ajo është bashkëshortja e Ilir Meksit dhe janë prindrit e një djali, Marin Meksit.
Ru.Do/ Fjala. al
