“Këtë mëngjes, Navalny po kthehej në Moskë nga Tomsku. Por gjatë fluturimit, ai është ndjerë keq. Avioni u ul urgjentisht në Omsk.
Dyshojmë se Alexei është helmuar me diçka që i është hedhur në çaj. Vetëm atë ka pirë në mëngjes. Mjekët thanë se helmi është përthithur më shpejt për shkak të çajit të nxehtë”, shkroi në Twitter zëdhënësja Kira Yarmish.
Kështu udhëheqësi i opozitës në Rusi dhe kritiku i Vladimir Putinit, Alexei Navalny, ndodhet në spital, sipas raportimit të zëdhënëses së tij, dyshohet për helmim.
Media shtetërore ruse RIA Novosti ka raportuar se gjendja e Alexei Navalny “është e rëndë, por e qëndrueshme”.
Vitin e kaluar, Navalny tha se mund të ishte helmuar kur u mbajt në komisariat, pasi pësoi një reaksion alergjik të çuditshëm. Ru.Do/ Fjala
