Tirana… sa pranë, sa larg, mundet me një gol të vetëm përballë Crvena Zvezdës dhe i jep lamtumirën Ligës së Kampioneve

113 563 lexime

124,178FansaPëlqeje

Ka ndodhur shpesh që skuadrat shqiptare janë mundur si me rezultat, ashtu edhe me lojë, në përballjet e tyre evropiane, por rrallëherë ka ndodhur të jenë mundur edhe pse kanë bërë një lojë shumë më të mirë të kundërshtarit. Kështu ka ndodhur të martën në mbrëmje në kryeqytetin shqiptar, kur kampionia e Shqipërisë, Tirana, është mundur minimalisht përballë kampiones së Serbisë, Crvena Zvezdës, me një gol të shënuar në pjesën e dytë.

Minutat e para kanë qenë kryesisht të qeta, por serbët kërcënojnë në të 5-tën, kur pas një goditjeje të lirë, portieri Lika bën një grushtim instinktiv, ndërsa ka ndërhyrë edhe gjyqtari kryesor, që ka sinjalizuar më parë për një pozicion jashtëloje të lojtarëve miq. Crvena Zvezda mbetet përpara dhe Katai depërton pak më pas deri në zonën bardheblu, por goditje e tij diagonale ka kaluar pasqyrë portën e Tiranës dhe përfundon jashtë.

Çereora që do të vijojë do të shohë lojën të bjerë në kllapi dhe, përtej një trysnie më të madhe të miqve, të shndërruar kryesisht në goditje këndi por të pafrytshme, dhe, përkundër rrjedhës së saj, është Tirana që rrezikon seriozisht portën e beogradasve. Është i riu i talentuar, Ernest Muçi, ai që vepron bukur në kufinjtë e zonës kundërshtare, nga e majta e sulmit, dhe godet zgjuarsisht me një diagonale, por topi përfundon jashtë, fare prapë shtyllës së majtë pingule të portës së Crvena Zvezdës.

Tirana luan përgjithësisht mirë, duke e amortizuar mjaft mirë lojën e serbëve, por edhe duke guxuar më tepër drejt portës kundërshtare, dhe, pas një aksioni të interpretuar mirë, në gjysmën e minutës së 25-të, Kale ul bukur me gjoks një top dhe zhvendoset në pozicion të volitshëm, duke goditur nga larg dhe fort dhe duke e detyruar gardianin e portës serbe, Borjan, të zgjatet për të grushtuar dhe për të larguar rrezikun. 6 minuta më pas, është Tirana që rrezikon sërish.

Në minutën e 31-të, Hoxhallari lëshoi një “predhë” nga goditja e dënimit, duke e gjetur të papërgatitur edhe portierin serb, i cili sidoqoftë, e ka ndalur topin në vështirësi duke e dërguar jashtë për një këndore dhe duke shmangur rrezikun. Çerekora e mbetur i sheh bardheblutë të administrojnë lojën dhe ta mbajnë nën trysni kundërshtarin, duke treguar kujdes edhe në mbrojtje. Megjithë përpjekjet e të dyja skuadrave, 45 minutat e para do të mbyllen me rrjeta të paprekura.

Lexo edhe :  Deputetët i kthehen ‘jetës’ parlamentare, nesër seanca e parë plenare pas zgjedhjeve!

Pjesa e dytë nis me Crvena Zvezdën sërish më kërkuese, por serbëve do t’u duhen 10 minuta për të rrezikuar për herë të parë portën e Likës, kur Kanga godet pas një topi të kthyer nga muri, por mbrojtja bardheblu bëhet gardh dhe topi devijohet jashtë, për një këndore. Një minutë më pas, në krahun tjetër, Muçi nuk e kontrollon topin siç duhet brenda zonës, duke shpërdoruar një mundësi. Në fillimin e minutës së 59-të, Muçi depërton bukur në zonë, godet, portieri serb devijon, topi rrok shtyllën, dhe kthehet në lojë e largon më pas mbrojtja mike.

Dhe rregulli i pashkruar i futbollit i ndëshkon bardheblutë, pasi, në një goditje këndi, kampionia serbe gjen golin, kur Tomane godet saktësisht me kokë dhe përshëndet rrjetën, duke e kaluar skuadrën e tij në epërsi në minutën e 61-të. Por Tirana nuk dorëzohet dhe 7 minuta më pas, një kundërsulm galopant, është Kobina që del i vetëm para portierit serb, por e dërgon topin në mënyrë të pabesueshme mbi traversë, duke shkuar dëm mundësinë më të mirë për të barazuar shifrat.

20 minutat e mbetura dhe ato 4-5 shtesë do të shohin Crvena Zvezdën të administrojë me efikasitet epërsinë minimale, përballë një Tirane gjithnjë e më të lodhur dhe pa ide në ndërtimin e aksioneve sulmuese. Edhe ndërrimet e bëra nga trajneri Egbo nuk arrijnë të japin efektet e dëshiruara. Përtej përpjekjeve të vonshme të bardhebluve, që janë munduar, Tirana është mundur 0-1 përballë Crvena Zvezdës dhe i jep kështu lamtumirën veprimtarisë më prestigjioze të klubeve të kontinentit.

Të fundit

Gjermania kufizon ligjin për bashkimet familjare, a e pësojnë shqiptarët?

Pas Greqisë e cila ka përgatitur një projektligj që do të përfshijë dënime më të ashpra për azilkërkuesit, edhe...

Trump: Për dy javë kuptojmë nëse Putini po tallet me ne

"Brenda dy javësh do ta dimë nëse Putini po tallet me ne apo jo". Kështu ka deklaruar presidenti amerikan Donald Trump, duke u zotuar...

“Duan t’i zhdukin shqiptarët nga këtu! Nuk pranohet asnjë polic shqiptar”

Shqiptarët në Luginë të Preshevës po përjashtohen nga institucionet shtetërore serbe. Asnjë prej tyre nuk është pranuar në konkursin e fundit të Policisë. Në...

Çmenduria për finalen e Champions League, 40,000 tifozë të Interit pa bileta

Një eksod i vërtetë nga Lombardia drejt Bavarisë pritet në prag të finales midis PSG-së dhe Interit. Dhe nuk ka rëndësi nëse biletat nuk janë...

“Vjosa Osmani nën kërcënime serioze, shërbimet ruse dhe serbe…”

Eksperti i sigurisë nga Kosova, Kol Krasniqi, ka reaguar në lidhje me kërcënimet e fundit të bëra ndaj Presidentes së Republikës së Kosovës, Vjosa...

Lajme të tjera

Web TV