Në Roskovec numërohen rreth 500 mijë rrënjë ullinj, të cilët janë në prodhimtari dhe zënë një siperfaqe rreth 30 % të territorit të kësaj zone. Kjo ka bërë që përveç vajit për gatim ullirin ta përdorin edhe në kozmetikë.
Më shumë se një vit më pare ka nisur një projekt për prodhimin e sapunit organik në një punishte të vogël në fshatin Vidhisht. Përbërësit, domethënë mbetjet e vajit të ullirit, mblidhen nga fermerët e zonës dhe sapuni prodhohet në mënyrë artizanale.
Të frymëzuar nga kjo eksperience, prej disa muajsh kjo punishte ka filluar edhe prodhimin e shampove.
Edhe shampot “Roskoveci” lëndën bazë të besëprerjes kanë vajin e ullirit, dhe ashtu si sapuni është me aroma të ndryshme si me livando, dafinë, rozmarinë, lajthi, kamomil, kakao dhe portokall.
Që në kohërat e lashta, vaji i ullirit është përdorur për të bërë sapun, pasi ka veti hidratuese që zgjasin për një kohë të gjatë, duke e bërë atë të përsosur për një lëkurë shumë të thatë dhe të ndjeshme. Sapuni me vaj ulliri sugjerohet për të gjitha llojet e lëkurave. La.Mi/Fjala.al
