Para pak kohësh, shqiptarët ndërmorën një nismë që adresonte gabimet e hartës së Apple.
Në hartë, kishte paqartësi mes kufijve të Serbisë dhe Kosovës, ndërsa me sy të lirë dukej qartë sikur Prishtina ishte pjesë e Serbisë.
Në këtë mënyrë, u krijua një peticion si kërkesë ndaj kompanisë Apple, në mënyrë që harta të rregullohet dhe Kosova të vendoset saktë si një shtet i pavarur.
Peticioni gjeti mbështetjen edhe të shumë personazheve të njohura shqiptare, përmendim këtu edhe këngëtaret me famë botërore Rita Ora dhe Dua Lipa.
Peticioni u firmos nga 197,175 persona. Krijuesja e peticionit dha lajmin e mirë se synimi u arrit me sukses:
” Fitore! Bashkimi bën fuqinë! Jam krenare t’ju them se Kosova është vendosur në hartën e Apple! Faleminderit për suportin tuaj!”.
Kompania gjigande e teknologjisë Apple, u dorëzua para shqiptarëve. Këto të fundit e fituan betejën me Apple, çka tregon që bashkimi bën fuqinë dhe shqiptarët e bënë më së miri./Fjala.al/Er.Ke
