Jo vetëm për faktin që Erion Veliaj është i besuari i Edi Ramës. Jo vetëm për faktin që Erion Veliaj është kryetar i bashkisë së Tiranës.
Jo vetëm që Erion Veliaj është një politikan që ka patur sukses në karrierën politike si deputet, ministër dhe kryebashkiak.
Erion Veliaj përflitet gjithnjë e më shumë se do jetë pasardhës i Edi Ramës si kryetar i PS dhe si kryeministër i ardhshëm. Por çfarë mendon vetë Erion Veliaj për këtë? Në emisionin HARD TALK NGA ROLAND QAFOKU ai u shpreh:
-Zoti Veliaj ai politikan që ka qenë kryetar i bashkisë së Tiranës është këtu në nivelin më të lartë në politikë. Pasi Edi Rama të mbyllë karrierën e tij politike, ju aspironi për të qenë në krye të PS, aq më tepër për të qenë kryeministër?
-Nuk kam këtë ambicie dhe aspiratë. Thashë, ambicia dhe aspirata ime është të lë një gjurmë në këtë qytet.
-Kshu keni thënë dhe atëherë kur ju kam pyetur nëse aspironi të jeni kryetar i bashkisë së Tiranës dhe jeni këtu sot.
-Sepse në atë moment kisha aspiratë që të isha një kritik i qeverisë dhe kuptova që ndonjëherë më shumë sesa të bësh kritikun është të zëvendësosh ata që kritikon dhe në atë kohë ne kritikonim një politikë të vjetër, por më rezulton që ajo politikë e vjetër nuk është më sot. U arrit me sukses që të zëvendësoheshim si të majtë si të djathtë. Një pjesë e një gjenerate që e kreu misionin e vet në vitet ’90, nga një gjeneratë tjetër. Sot si në qeveri si në opozitë kur shikoj përshembull që ministrat që i njoh dhe që i njoh që kur kemi qenë fëmijë dhe ka qenë brezi i pas viteve ’90 për Ogertën, për Oltën, për Elisën, për Bushatin… Pra, gjenerata e atij brezi që vinte me frustrimin e viteve 2000 s’mund të thuash që s’i ka kaluar stadet.
-Po pra po, por konflikti politik nuk është zbehur zoti Veliaj. Qëndron PD me PS si dy kulla armike, ka thënë Kadareja.
-PD me PS po të shikosh edhe u ul, edhe bëri kompromis Lulzim Basha me Edi Ramën. Tani për sa kohë që Sali Berisha ka facebook dhe kontaminon me toksinë dhe me helm, me rrena dhe me shpifje dhe me baltë gjithë dynjanë kjo është një hudhër që duhet pranuar në këtë shtëpinë tonë të madhe. Por po të shikosh dy liderat politikë kur janë lënë të pakompleksuar… Edi nuk kompleksohet por ky tjetri, edhe është ulur edhe kanë bërë marrëveshje, dhe ka qetësuar gjuhën, dhe kemi jetuar si njerëz, dhe janë bërë ca punë dhe ca vendimmarrje të rëndësishme . Por mos kërkoni që unë të heq facebookun, se t’i heqësh Saliut helmin është si ta lësh pa oksigjen. Ai vjen nga kultura e helmit dhe e toksinave
