Mëngjesin e sotëm 15 grupe të Forcave të Ndërhyrjes së Shpejtë kanë zbarkuar në Krujë.
Ky operacion ishte i organizuar nga Policia e Tiranës dhe ajo e Krujës.
Mësohet se operacioni kryhet për asgjësimin e parcelave të mbjella me kanabis sativa në këtë zonë.
Forcat policore të Tiranës janë nisur dhe kontrollojnë, sidomos zonat e Malësisë së Krujës dhe në Nikël.
Sipas policisë, Kruja, Nikla dhe Ishmi janë ndër zonat ku dyshohet se janë mbjellë sasi të konsiderueshme kanabisi.
Nga 80 parcela që janë evidentuar dhe asgjësuar vitin e kaluar, këtë vit janë mbi 200 parcela të evidentuara dhe të asgjësuara.
Nuk dihet saktësisht sesa bimë do të asgjësohen gjatë ditës së sotme, por për këtë vit numri i bimëve të asgjësuara shkon mbi 10 mijë.
Kjo shifër e bimëve të asgjësuara është e përafërt, pasi detajet e operacioneve nga ana e policisë mbahen sekret. Ru.Do/ Fjala.al
