Detaje të rënda mësohen nga spitali “Shefqet Ndroqi” ku pak minuta më parë humbi jetën një pacient me Covid-19. Gazetari i “News 24” Erion Skëndaj tha në një lidhje telefonike se edhe një tjetër pacient ka tentuar të hidhet nga lartësia e këtij spitali, por është ndaluar në kohë nga stafi mjekësor.
“65-vjecari ka shkuar në spital në gjendje të rëndë shëndetësore dhe është futur menjëherë në trajtim intensiv, ndonëse jo i intubuar. Ai është nga zona e Fushë Krujës, Laçit. Ka pas dhe një tentativë tjetër, të një presoni që është ndaluar në kohë nga stafi mjekësor. Nëse nuk merren masa për një trajtim psikologjik të të sëmurëve mund të ketë edhe raste të tjera. Këta persona kanë nevojë për psikologë, për dikë që të dijë t’i qetësojë, t’iu japë shpresë se kjo sëmundje nuk është fatale” tha Skëndaj.
