Gazetarja Ermelinda Hoxhaj deklaron se në Senatorium pacientët kanë telefon. Ajo sqaron se nuk ka kam informacion zyrtar për spitalin Infektiv, por në Sanatorium sipas saj pacientët kanë telefon sepse kjo është e deklaruar nga mjekët por edhe vet familjarët.
Përmes një statusi në rrjetin social “Facebook”, gazetarja sqaron se një mjek pneumolog, apo infeksionit nuk e gjykon dot gjendjen psikologjike të një pacienti.
Postimi i plotë i Ermelinda Hoxhajt
Nuk kam informacion zyrtar për spitalin Infektiv, por në Sanatorium pacientët kanë telefon.
E deklaruar kjo nga mjekët por edhe vet familjarët.
Problemi qëndron, se një mjek pneumolog, apo infeksionit nuk e gjykon dot gjendjen psikologjike të një pacienti.
Dhe të mos harrojmë se mjekët, infermierët por edhe personeli ndihmës në këto spitale janë të tej lodhur.
A ka ushqim, a pine apo hane buke pacientet?
Spitalet janë me katering, ushqimi u vjen nga kompanitë private. Ne si taksapagues paguajmë miliona leke për këtë shërbim.
Shoh shume familjare që çojnë ushqime. Por sot të gjithë me pohuan se e çojnë nga dëshira, si formë qe tu tregojnë familjarëve që janë aty dhe po i presin të shërohen.
Legjenda urbane ka pafund. I lëne pa buke e pa uji. I deklarojnë të vdekur kur janë ende gjallë.
Nëse dikush do te flas dhe ka prova, unë do bëhem zëri juaj. Asnjëherë nuk jam bërë pjesë e atyre që mbulojnë të vërtetën.
Bashkëpunimi i të gjithëve është domosdoshmëri në këtë rast. Humanizmi është thelbësor.
