Dy ditë më parë debutuan me Kombëtaren e Anglisë duke realizuar ëndrrën e fëmijërisë, ndërsa sot duhet të ‘zgjohen’ nga kjo ëndërr dhe të rikthehen në shtëpi.
Bëhet fjalë për Phil Foden dhe Mason Greenwood. Dy të rinjtë janë përjashtuar nga kombëtarja e Anglisë dhe rrezikojnë të dënohen pasi të shtunën në mbrëmje thyen rregullat e COVID-19.
Ata shfaqeshin në një video në snapchat, duke kaluar natën me një vajzë të panjohur.
Ishte trajneri Southgate ai që konfirmoi përjashtimin e dy futbollistëve. Për Foden dhe Grenwood ishte edhe ndeshja debutuese me kombëtaren e ‘Tre luanëve’.
“Fatkeqësisht sot në mëngjes më tërhoqi vëmendjen lajmi se dy çuna kanë thyer rregullat e koronavirusit. Në kemi vendosur që ata të mos kenë kontakte me pjesën tjetër të skuadrës,”- u shpreh Southgate.
Pa.Va/Fjala.al
