Në vijim të operacionit antidrogë të koduar “Porosia”, shkon në 7 numri i personave të arrestuar.
Pas disa muajsh hetime nga Policia e Dibrës, nën drejtimin e Prokurorisë dhe finalizuar 3 javë më parë, në kapet dhe një tjetër person i përfshirë në veprimtarinë kriminale të shpërndarjes së lëndëve narkotike në doza të vogla.
Gjatë hetimeve në kuadër të operacionit “Porosia” ka rezultuar se Shkëlqim Përkoxha, 29 vjeç, banues në Bulqizë, është bashkëpunëtor i 6 personave të tjerë të arrestuar më datë 30 gusht 2020, për veprimtari kriminale në fushën e shpërndarjes së lëndëve narkotike në doza të vogla, në qytetin e Bulqizës dhe zonën përreth.
I dyshuari u kap në vijim të hetimeve, gjatë mbrëmjes së djeshme, e hënë./Bl.Ba/Fjala.al
