Një tjetër temë e diskutuar për reformën zgjedhore është edhe çështja e koalicioneve. Në emisionin HARD TALK NGA ROLAND QAFOKU tha se ka ardhur koha që edhe politika shqiptare të jetë si ajo e Evropës në lidhje me koalicionet.
Nuk janë hequr koalicionet. Por kemi vendosur një standard evropian për koalicionet. Në asnjë vend evropian ose në asnjë vend perëndimor më gjerë sesa Europa, nuk ka modelin e koalicioneve që kemi pasur ne parazgjedhor. Dhe ne nuk kemi bërë gjë tjetër përveçse kemi shkuar në standardin perëndimor. Bëj koalicion me 20 parti po të duash. Por do dalësh si koalicion. Se këtu është kuptimi i koalicionit parazgjedhor. Se ndryshe ti je bashkim, nuk je koalicion. Ti bashkohesh bashkë dhe thua ne kemi një program, nuk bëjmë koalicion, edhe garojmë secili. Koncepti i koalicionit do të thotë që ti të hysh si një trup i vetëm në zgjedhje para elektoratit. Që të hysh si një trup i vetëm nuk mund të hysh me shumë trupa. Dhe koalicioni paraqitet me listë unike si në gjithë botën. Koalicionet parazgjedhore lejohen sot e gjithë ditën dhe do lejohen, nuk diskutohet. Por do jetë në formën dhe standardin evropian të koalicioneve parazgjedhore, jo në forma hibride, shpikje që i kishte vetëm Shqipëria./Fjala.al/Ke.Ba
