Një person i cili lëvizte i armatosur në makinë me një tjetër, është vënë në prangat e policisë nga forcat e posaçme “Shqiponjat” dhe “Shigjetat”.
Efektivët e komisariatit Nr. 1 Tiranë, në rrugën “Hyqmet Buzi”, gjatë orëve të mbrëmjes së djeshme, e enjte, bënë kapjen dhe arrestimin në flagrancë të K. H., 30 vjeç, për veprën penale “Armëmbajtja pa leje” dhe S. S., 24 vjeç, për veprat penale “Armëmbajtja pa leje” dhe “Moskallëzimi i krimit”.
Në pikën e kontrollit të ngritur nga ana e Shqiponjave dhe Shigjetave, në vendin e quajtur “Rrethrrotullimi i Farkës” u bë ndalimi i mjetit tip “Audi” që drejtohej nga shtetasi S. S., dhe kishte pasagjer shtetasi K. H.
Gjatë kontrollit të ushtruar ndaj mjetit dhe këtyre shtetasve, në çantën e dorës të shtetasit K. H., shërbimet e policisë gjetën një armë pistoletë dhe fishekë luftarak.
Në vijim të veprimeve gjatë kontrollit të banesës të shtetasit S.S., iu gjet dhe iu sekuestrua një sasi municioni luftarak.
Ndaj të dyshuarve, materialet iu referuan Prokurorisë Tiranë për ndjekje të mëtejshme./Bl.Ba/Fjala.al
