Dy shoferë janë arrestuar ditën e sotme pasi është konstatuar nga policia se personat në fjalë po drejtonin automjetin në gjendje të dehur.
Gjatë kontrolleve për sigurinë rrugore, janë vënë në pranga shtetasit P.T, 36 vjeç, në aksin Poshnje- Urë Vajgurore dhe E.H, 37- vjeç, i cili është kapur afër një karburanti në Berat.
Materialet iu referuan Prokurorisë së Rrethit Gjyqësor Berat,për veprën penale “Drejtim mjeti në mënyrë të parregullt”,neni 291 të Kodit Penal.
Njoftimi i policisë:
Nga ana e Strukturave të Policisë Rrugore, në vijim të punës për sigurinë rrugore dhe parandalimin e aksidenteve,gjatë kontrollit të ushtruara prej tyre,janë konstatuar dy shtetas të cilët drejtonin mjetin në gjendje të dehur.
Nga ana e forcave policore,u bë i mundur arrestimi i shtetasve:
P.T, 36 vjeç, banues në Urë Vajgurore Berat. Ai është kapur në aksin rrugor Poshnje-Ura Vajgurore,në vendin e quajtur ‘’Protoduar”,në gjendje të dehur në masën 1.06 mg/l alkool.
E.H ,27 vjeç,banues në Kuçovë,i cili është kapur ne vendin e quajtur “Karburanti Merko’’ në Berat,në gjendje të dehur,në masën 0.59 ml/l alkool.
Materialet iu referuan Prokurorisë së Rrethit Gjyqësor Berat,për veprën penale “Drejtim mjeti në mënyrë të parregullt”,neni 291 të Kodit Penal./fjala.al/
