Kuvendi miratoi mbrëmjen e sotme ligjin “Anti-shpifje” aq shumë të kundërshtuar nga gazetarët dhe shoqëria civile.
Në votimin e këtij ligji 80 deputetë kanë dhënë votën pro dhe vetëm 14 kanë votuar kundër, ndërsa 8 të tjerë kanë abstenuar. Midis të abstenuarve është edhe ish-ministri i Jashtëm, Ditmir Bushati.
Deputetët kanë votuar edhe propozimin e kryetarit të grupit parlamentar socialist, Taulant Balla, sipas të cilit vendimet e Bordit të AMA-s, ankimohen në Gjykatën Administrative të Shkallës së Parë.
“Vendimet e bordit të AMA-s ankimohen në Gjykatën Administrative të Shkallës së Parë në Tiranë”, propozoi Balla.
Pas miratimit të këtij ligji pritet reagimi i shoqatave të gazetarëve dhe shoqërisë civile, sipas të cilëve ky ligj tenton t’i mbyllë gojën mediave online./Fjala.al
