SPAK ka finalizuar hetimet në lidhje me përfshirjen e Blendi Tetës në vrasjen e Santjago Malkos më datë 27 gusht të 2019-ës në zonën e Porcelanit në Tiranë.
Burime për “Fjala.al” bëjnë me dije se tashmë dosja është dërguar në gjykatë, ndërsa prokuroria ka si të dyshuar kryesore klanin Duka në Tiranë.
Dyshohet se Bledi Teta pati rol në mbajtjen nën vëzhgim të Malkos dhe fshehjes së gjurmëve të autorëve.
Malko u ekzekutua mbrëmjen e 27 gushtit në zonën e ‘Xhamllikut’ në Tiranë, në makinën e tij tip “BMW X5”. Malko, ish-polic kishte në pronësi disa pika bastesh sportive.
Ai ka qenë i përfshirë në ngjarjen e 4 tetorit 2018, ku dhe ndodhi vrasja e Fabian Gaxhës në ish-Bllok pas një përplasjeje me armë.
Gjithashtu ish-polici i vrarë është përfshirë në një sherr me dy vëllezërit Lashi në vitin 2016 për një borxh prej 1 mijë eurosh./Bl.Ba/Fjala.al
