Kosova ka pësuar humbjen e dytë në Ligën e Kombeve brenda pak ditësh ku pasi humbi shansin për të shkuar në Europian ndaj Maqedonisë së Veriut, sot pësoi humbjen e dytë nga Sllovenia.
Dardanët shkuan disa herë pranë portës së Jan Oblak, por mungoi saktësia për të finalizuar aksionet. Kjo gjë acaroi dhe trajnerin Bernard Challandes i cili kërkoi më shumë përqendrim. Ishte minuta e 22-të, kur Haris Vuckic mori një asist nga Sandi Lovric dhe shënoi në portën e Muric. Një kombinim i mrekullueshëm i lojtarëve të Kosovës erdhi në minutën e 35-të, ku Zhegrova dhe Berisha ndërtuan aksionin, por goditja finale e Zenelit përfundoi jashtë portës.
Edhe në pjesën e dytë Dardanët rrezikuan sërisht por mungesa e saktësisë dhe pritjet e Oblak lanë të pandryshuar rezultatin që u mbyll me humbjen 0-1 të Kosovës.
Pa.Va/Fjala.al
