Jose Mourinho kryeson listën e trajnerëve që kanë bërë shpenzimet më të larta deri më tani në merkato.
Në një shkrim të “Gazzetta Dello Sport” renditen menaxherët që kanë regjistruar gjatë gjithë karrierës së tyre shifrat më të larta të dhëna për merkato.
Që prej fillimit të karrierës së tij te “Special One”, Mourinho ka drejtuar disa prej skuadrave më të mëdha të Europës, duke fillur me me Chelsea-n, Inter-in, Real Madrid-in, Manchester United dhe Tottenham.
Portugezi ka fituar shifra shumë të larta nga puna si teknik, por në të njëjtën kohë i ka detyruar klubet me të cilët ka bashkëpunuar që të shpenzojnë edhe 1.5 miliardë euro vetëm që të plotësohen dëshirat e tija.
Kalimi i Paul Pogba te Manchester United është edhe transferimi më i shtrenjtë që është bërë me kërkesën e Mourinhos dhe ka shkuar plot 104 milionë euro.
Vendin e dytë në renditjen e medies italiane e zë Carlo Anceloti. Tekniku italian ka operuar në skuadrën si Milan, Chelsea, Paris Saint-German, Bayern Munich, Napoli, Real Madrid dhe tashmë ndodhet në klubin anglez të Everton.
Anceloti i ka kushtuar klubeve ku ka punuar plot 1.1 miliardë euro dhe blerja më e shtrenjtë e realizuar me kërkesën e tij është ajo e Gareth Bale te Real Madrid me 100 milionë euro.
Treshja e trajnerëve që kanë shpenzuar më shumë gjatë gjithë historisë së futbollit në merkato plotësohet nga Pep Guardiola, i cili po ashtu ka arritur t’i afrohet shifrës së 1.1 miliardë eurove.
Katalanasi ka menaxhuar skuadrën e Barcelonës, Manchesteri City-it dhe Bayern Munchin, ku dhe ka bërë blerje shumë të kushtueshme. Shpenzimi më i shtrenjtë i tij deri më tani është ajo e Zlatan Ibrahimoviç në “Camp Nou” për një shumë prej 66 milionë euro./Fjala.al/
