Kancelarja gjermane, Angela Merkel u shpreh e shqetësuar për rritjen e rasteve nga Covid-19 në Europë.
Gjatë një debati mbi presidencën gjermane të Bashkimit Evropian në Komitetin për Rajone të bllokut Merkel tha se nuk duhet hedhur poshtë sakrifica e këtyre muajve me kufizime për parandalimin e përhapjes së Covid-19.
“Po e shoh me shumë shqetësim rritjen e numrit të të infektuarve në pothuajse çdo pjesë të Evropës dhe duhet të them se situata vazhdon të jetë serioze. Ne nuk duhet të hedhim poshtë atë që kemi arritur përmes kufizimeve gjatë muajve të fundit. Këto kufizime nuk kanë qenë të lehta për askënd prej nesh”, theksoi ajo.
Në javët e fundit vendet evropiane po përballen me rritje të numrit të të infektuarve me koronavirus. Ditën e sotme, Italia që ishte një nga vatrat më të mëdha gjatë valës së parë së parë së virusit, shënoi sërish shifra të larta me 5901 të infektuar dhe 41 viktima.
Kohët e fundit, shumica e vendeve evropiane kanë prezantuar masa shtesë të kufizimeve.
Pa.Va/Fjala.al
