Rajoni verilindor i Spanjës, Katalunja, ka vendosur të mbyllë baret dhe restorantet për 15 ditë, duke filluar nga dita e enjte, ndërsa vendi po përpiqet të ngadalësojë përhapjen e koronavirusit.
Në të gjithë Europën, qeveritë, po vendosin masa të reja me qëllimin për të parandaluar përhapjen e një vale të dytë infeksionesh.
Republika çeke ka mbyllur shkollat, baret dhe restorantet.
Në Holandë një bllokim i pjesshëm ka hyrë në fuqi. Gjithashtu, të mërkurën, presidenti francez Emmanuel Macron është vendosur të detajojë një plan masash të reja për Parisin dhe disa qytete të tjera.
Në të gjithë Europën, po rriten rastet e reja, me Rusinë që raportoi një rekord prej 14,321 të infektuar dhe 239 viktima brenda 24 orëve të fundit.
Por edhe ato vende që arritën të mbajnë një numër të ulët të infektuarish me Covid-19, kanë raportuar një numër në rritje të rasteve të reja.
Gjermania, për herë të parë, ka shënuar më shumë se 5,000 të infektuar që nga muaji prill.
Zyrtarë të institutit të shëndetit publik në Gjermani, kanë bërë me dije një “rritje të përshpejtuar të transmetimit të infeksionit në popullatë”./Re.D/Fjala.al
