Kryeministri Edi Rama tha sonte se maskat që po përdor për tu mbrojtur nga Covid-19 i bën vetë.
I ftuar në emisionin “Opinion” Rama tha se maskat mund të bëhen edhe vet dhe kanë të njëjtin efikasitet mbrojtje në rrugë.
“Unë maskat e mia i bëj vetë personalisht, nuk më kushton asnjë lekë. Për qytetarin në rrugë ajo ka plotësisht garanci si një mbrojtëse tekstili. Kjo maska është e mjaftueshme për njeriun që është në rrugë. Maskat mund të blihen, maskat mund të bëhen vetë.-tha Rama.
Kujtojmë se sot është dita e parë e vendosjes së maskës me detyrim në ambientet publike dhe të mbyllura sapo del nga shtëpia. Kushdo që nuk mban maskë gjobitet me 3 000 lekë dhe nëse përsëritet është progresive.
la.mi/Fjala.al
