Një aksident rrugor ka ndodhur mbrëmjen e sotme në autostradën Tiranë-Durrës, ku një person ka humbur jetën.
Nga informacionet paraprake mësohet se mjeti tip “Pezho” me shofer 60-vjeçarin Sh. A., ka aksidentuar një këmbësor ende të paidentifikuar rreth 60 vjeç, i cili për pasojë ka ndërruar jetë.
Policia ka shoqëruar menjëherë në komisariat ndërsa grupi hetimor po punon për zbardhjen e plotë të ngjarjes.
“Më datë 18.10.2020, rreth orës 18:50, në autostradën Tiranë-Durrës, në Maminas, mjeti tip “Pezho” me drejtues shtetasin Sh. A., 60 vjeç, ka aksidentuar një shtetas këmbësor ende të paidentifikuar rreth 60 vjeç, i cili për pasojë ka ndërruar jetë. Drejtuesi i mjetit është shoqëruar në ambjentet e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e ngjarjes”, njofton policia.
Pa.Va/Fjala.al
