Operacioni Forca e Ligjit është ndalur në dy qytete duke i kërkuar deklarimin e pasurisë 3 të dënuarve më parë.
Në Mirditë, OFL u kërkon të deklarojnë pasurinë dy të dënuarve për vrasje si dhe një tjetri në Lezhë të dënuar për vepra me qëllime terroriste nëpërmjet shkaktimit të ndërprerjes së energjisë elektrike.
Konkretisht bëhet fjalë për shtetasin Andre Nikolli, banues në Rubik, Mirditë, i dënuar për veprën penale “Vrasja me paramendim”, kryer në bashkëpunim.
Besnik Lekgegaj, banues në Perlat, Mirditë, i dënuar për veprën penale “Vrasja me paramendim”.
Besmir Lugina, banues në Lezhë, i dënuar për “Vepra me qëllime terroriste nëpërmjet shkaktimit të ndërprerjes së energjisë elektrike”, mbetur në tentativë, kryer në bashkëpunim.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. /Ra.My.Fjala.al/
