Ministrja e Arsimit Evis Kushi ka prezantuar në Lezhë platformën online Akademi.al duke u shprehur se ky format krijon mundësi për mësim online.
Në fjalën e saj, ministrja deklaroi se Akademi.al është portal i së ardhmes, ndërsa shtoi se me këtë platformë, nxënësit mund të dorëzojnë edhe detyrat e shtëpisë.
“Akademi.al është platformë shumë e mirë për nxënësit. Duhet që asnjë orë mësimore të mos mungojë gjatë vitit shkollor. Ju kemi mirënjohës pa fund mësuesve për kontributin e tyre. Akademi.al krijon mundësinë për mësim online, shërben për nxënës nga 3 deri 18 vjeç. Me ketë platformë mund të dorëzohen online edhe detyrat e shtëpisë. Akademi.al është një aset i së ardhmes, pasi dixhitalizimi është e ardhmja. Më shumë dixhitalizim do të thotë më shumë efikasitet.”, deklaroi Kushi ndër të tjera.
I pranishëm në këtë takim është edhe kryeministri Rama. Madje ishte kreu i qeverisë ai që kishte njoftuar pak më herët prezantimin e platformës Akademi.al në qytetin e Lezhës.
Pa.Va/Fjala.al
