NASA dhe Nokia po punojnë për të vendosur rrjetin 4G edhe në hënë.
Ky është një projekt i cili ka nisur që prej vitit 2008 dhe synon të mbështesë jetën njerëzore përtej planetit tokë.
NASA ka shpenzuar 370 milionë dollarë duke i ofruar dhjetra kompanive mundësinë për të vendosur rrjetin 4G në sipërfaqen e hënës.
Sipas Nasës, rrjeti 4G mund të sigurojë një komunikim më të besueshëm, në distancë më të gjatë se standardet aktuale të radios në hënë.
Lidhur me këtë projekt inovativ i cili synon të shtrijë gjurmët njerëzore edhe në planete të tjera , NASA ka lidhur një kontratë me kompaninë celulare Nokia të cilës iu dhanë 14.1 milion dollarë për projektin.
Nokia ka deklaruar se teknologjia e re do ti shërbejë çdo aktiviteti që austronautët duhet të kryejnë, duke filluar këtu me komunikimin me zë dhe video, deri tek vendosja dhe kontrolli i ngarkesave robotike dhe sensore.
Rrjeti 4G do të projektohet për ti bërë ballë veçorive atmosferike në sipërfaqën e hënës si temperatura ekstreme, rrezatimi dhe vakumi i hapësirës. /Ra.My.Fjala.al/
