Një grua do hetohet pasi ka thyer ligjin e karantinës, në Mirafori të Italisë.
Ajo është denoncuar nga fqinjët e saj të cilët e panë duke lëvizur nëpër lagje, ndërkohë që duhet të qëndronte në karantinë pasi rezultonte me koronavirus.
Gjoba për shkeljen e karantinës është 400 euro, por pasi ajo rezultoj pozitive do të hetohet nga policia.
“Ata janë thjesht spiun”, tha gruaja 65 vjeçare, për policinë e komisariatit të Mirafiorit, “Unë jam pozitive, por jam asimptomatike unë mund të dal nga shtëpia për të hedhur mbeturinat”.
Interpretimi i saj i rregullave i lirë i kushtoi asaj një ankesë në polici për faj të fqinjve.
Autoritetet e shëndetësisë në Itali kanë bërë me dije se gjatë 24 orëve të fundit janë konfirmuar 19.143 raste të reja.
Ministria e Shëndetësisë italiane bëri me dije gjatë raportit ditor se janë kryer 182.032 tamponë. Ky është numri më i lartë i tamponëve të kryer ndonjëherë që nga shpërthimi i pandemisë.
Ndërkohë 91 pacientë nuk arritën ta fitojnë betejën me Covid-19, duke e çuar numrin e përgjithshëm të viktimave në vend në 37.059.
Numri i të shëruarve ka shkuar në 261,808, ndërsa numri i rasteve aktive është 186.002./Re.D/Fjala.al
