Formula 1/ Lewis Hamilton, në kërkim të historisë, synon “parakalimin” e Schumacher

113 563 lexime

124,178FansaPëlqeje

Siguron në Portugali nisjen, për herë të 97-të, nga vendi i parë në kërkim të fitores së 92-të. Ka siguruar nisjen nga vendi i parë të dielën, që është hera e 97-të në karrierë për të, teksa Lewis Hamilton po kërkon atë fitore të 92-të, që do t’i mundësonte të linte prapa legjendarin Michael Schumacher. Në provat zyrtare të garës së 12-të e këtij sezoni të Botërorit të Formulës 1, të zhvilluara të shtunën, ai ka fituar duelin e shpejtësisë në pistën e Portimaos me shokun e tij të skuadrës, Valter Bottas.

Piloti i “Mercedes”-it, Lewis Hamilton , do të niset nga vendi i parë të dielën në Çmimin e Madh të Portugalisë, që është gara e 12-të e këtij sezoni të Botërorit të Formulës 1, duke fituar kështu duelin e shpejtësisë në pistën e Portimaos me shokun e tij të skuadrës, Valter Bottas. Pas një shtyrjeje prej 30-minutëshe për shkak të një mbulese të dëmtuar të kanalizimeve të pistës, ngriti siparin më në fund edhe seanca e parë e provave zyrtare në Formula 1 në Kompleksin Ndërkombëtar të Algarves.

Në betejën e 10-shes së fundit, Bottas e ndali kronometrin në 1 minutë, 16 sekonda e 986 të mijtat, 47 të mijtat më i shpejtë se Hamilton. Por, në xhirot e dyta, “Mercedes”-i ndërroi gomat, duke zgjedhur ato të mesme, dhe Hamilton mori përkohësisht vendin e parë me 1 minutë, 16 sekonda e 934 të mijtat, 52 të mijtat më pak se Bottasi. Ky i fundit u kundërpërgjigj me një kohë të re prej 1 minutë, 16 sekonda e 754 të mijtat.

Por Hamilton u kundërpërgjigj me një tjetër xhiro të shpejtë, me kohën 1 minutë, 16 sekonda e 652 të mijtat, duke siguruar nisjen nga vendi i parë të dielën, që është hera e 97-të në karrierë për të, teksa po kërkon atë fitore të 92-të, që do t’i mundësonte të linte prapa legjendarin Michael Schumacher. Radhën e dytë të nisjes të dielën do ta plotësojnë “Red Bull”-i i Maks Verstapenit dhe “Ferrari” i Sharl Lëklerkut.

Lexo edhe :  Tottenham ofron 50 mln euro për yllin Serie A, por... duhen 70 mln euro

Ndërsa në radhën e 3-të do të rreshtohen Serxhio Perez i “Racing Point” dhe Aleks Alboni i “Red Bull”-it. 10-shen e të parë e plotësojnë dy “MekLaren”-ët e Karlos Sainzit dhe Lando Norrisit, dhe Pjer Gasli me “AlphaTauri” dhe Daniel Riçiardo me “Renault”.

Të fundit

Mero Baze: Fatmir Mediu është simboli i shkëlqyer i opozitës së sotme

Fatmir Mediu është shembulli më i shkëlqyer që mund të identifikohet me opozitën e sotme. Ai është identiteti i...

Ministri izraelit kërkon që Gaza të aneksohet nëse Hamasi nuk dorëzohet

Ministri izraelit i Financave, Bezalel Smotrich, i bëri thirrje Qeverisë së tij që të nisë aneksimin e pjesëve të Rripit të Gazës nëse Hamasi...

Universiteti i Tiranës mbetet më i preferuari për maturantët

Universiteti i Tiranës është zgjedhur nga mbi 60% e maturantëve për vitin e ri akademik 2024–2025. Vetëm një ditë para shpalljes së kandidatëve fitues nga...

SHBA, plan për kufizimin e vizave për studentë dhe gazetarë

Qeveria e SHBA-së do të ashpërsojë edhe më tej rregulloren për lejen e qendrimit për të huajt. Tani janë në fokus të Ministrisë për...

Gjermania: Putini dhe Zelensky nuk do të takohen

Kancelari gjerman i është bashkuar dënimit të sulmeve të Rusisë në Kiev nga udhëheqësit evropianë. Sipas mediave të huaja, Friedrich Merz tha se pas sulmit...

Lajme të tjera

Web TV