Eurodeputeti gjerman i PPE, Michael Gahler i është bashkuar thirrjes së komisionerit për zgjerimin në BE, Olvier Varhelyi se Komisioni i Venecias duhet respektuar.
Sipas Gahler, institucionet e rangut të Komisionit të Venecias duhet të respektohen nga palët e interesuara dhe të përfshira.
“Deklarata e Komisionerit është e mençur, pasi institucionet si Komisioni i Venecias duhet të respektohen nga të gjitha palët e interesuara”, shkruan Gahler.
Varhelyi tha për herë të dytë se opinioni i Komisionit të Venecias duhet të pritet nga Kuvendi dhe më pas ndryshimet në Kodin Zgjedhor të rivotohen.
Ndërkohë, Rama përveç reagimit të djeshëm nuk ka folur më për këtë temë ç’ka nënkupton se dekreti për kthim i Metës, kalon të enjten në Kuvend për votim./Bl.Ba/Fjala.al
The Commissioner‘s statement is wise, as institutions like the Venice Commission should be respected by all parties concerned https://t.co/npK4jRWX21
— Michael Gahler (@gahler_michael) October 27, 2020
