Kryeministri Edi Rama ka ironizuar kryedemokratin Lulzim Basha. Kreu i qeverisë tha nga foltorja e parlamentit se Basha pret që “biologjia të kryejë rrotacionin politik”.
Kryeministri tha se Basha pret që “unë të largohem nga jeta dhe Luli të bëhet kryeministër”.
Rama thumboi edhe presidentin Ilir Meta, kryetaren e LSI, Monika Kryemadhin dhe “doktor Peço Vasilin”.
“Sipas Ilir Metës ky parlament nuk ka ilegjimitet për të bërë punën e tij. Meta sfidoi parlamentin me kthimin e kodit. Sipas Metës, iu që jeni këtu iu kam sjellë unë me Taulant Ballën dhe disa alienë. Iu kemi gjetur në hënë, në Mars dhe në Jupiter. Në fakt jo, gjithë që jeni këtu keni ardhur me firmën e Bashës dhe Kryemadhit. Ata kanë firmosur për ju.
Madje për disa nga ju ka firmosur doktor Peço Vasili. Tani Meta thotë ju nuk ekzistoni. Sipas meje, ju jeni aksident i dobishëm. Keni arritur të bëni atë që nuk do bënim dot po të ishte Monika, Luli dhe shokët e tyre.
Luli pret që biologjia të kryejë rrotacionin. Unë të largohem nga jeta dhe Luli të bëhet kryeministër. Strategjia është prit biologjinë, ndërkohë bën hajgare me aritmetikën“, tha Rama./Bl.Ba/Fjala.al
