Kreu i PD, Lulzim Basha ka zhvilluar një takim me pedagogët ditën e hënë ku ka premtuar se në rast se do të vijë në pushtet, hapi i parë që do të ndërmarrë për arsimin është anulimi dhe zëvendësimi i ligjit aktual.
Basha shtoi se brenda 2 viteve të para do e çojnë sistemin arsimor në të njëjtin nivel me vendeve të rajonit.
“Ky diskutim ndodh në kuadrin e një emergjence. Dita e sotme do të kishte qenë një ditë emergjence. Një nga hapat e parë është zëvendësimi i ligjit aktual me një ligj bashkëkohor të arsimit. E dyta që dua të theksoj është se asnjë politikë, program nuk ka efektivitet nëse nuk ka një investim apo financim. Kjo është arsyeja pse me anulimin e ligjit për arsimin e lartë, ne do të destinojmë mjete të mjaftueshme që brenda dy viteve të para, sistemi ynë të jetë në të njëjtin nivel me vendet e rajonit” , u shpreh Basha ndër të tjera.
Gjithashtu gjatë ditës së sotme, Basha zhvilloi një takim edhe me studentët në “Qytet Studenti”.
Pa.Va/Fjala.al
