Francezët dhurojnë të papriturën në takimin e sjellë për sportdashësit nga Rrjeti i RTSH-së. Liga e Evropës ka luajtur të enjten ndeshjet e 3-ta të fazës së grupeve. Dhe, përveçse ka sjellë në kanalin RTSH Sport në kohë reale, duke nisur nga ora 18:55 e deri në ora 23:00 të gjithë golat e të 24 takimeve të mbrëmjes, transmetuesi publik ka sjellë në kanalin RTSH 1 edhe përballjen më të spikatur, atë midis Milanit dhe Lilës.
Veprimtaria e dytë e klubeve të kontinentit, Liga e Evropës, ka nisur të enjten rrugëtimin e fazës së grupeve të sezonit të saj të ri, një sezon që do të vijë sërish në Rrjetin e Radio-Televizionit Shqiptar. Dhe, përveçse ka sjellë në kanalin RTSH Sport në kohë reale, duke nisur nga ora 18:55 e deri në ora 23:00 të gjithë golat e të 24 takimeve të mbrëmjes, transmetuesi publik ka sjellë në kanalin RTSH 1 edhe përballjen më të spikatur, atë midis Milanit dhe Ligës.
Takimi i zhvilluar në Stadiumin “San Siro” të Milanos, ka parë francezët ta mbyllin në epërsi pjesën e parë, falë një 11-metërshi të saktë të Jusuf Jazëxhësë në minutën e 22-të. Përkundër pritshmërie për një reagim të Milanit, është skuadra mike që do të gjejë golin e dytë në minutën e 55-të, sërish me anë të sulmuesit të saj turk. Vetëm 3 minuta më pas, Jazëxhë do ta gjejë edhe një herë tjetër rrugën e rrjetës, duke nënshkruar kështu 3-golëshin e tij personal në këtë takim.
Përtej përpjekjeve të vendasve, që i patën shanset, por edhe kundërsulmeve të rrezikshme të miqve, Milani mundet kështu me rezultatin 0-3 përballë Lilës, që merre kreun e renditjes së grupit H me 7 pikë, një më tepër sesa italianët.
Pa.Va/Fjala.al
