Gjykata kroate ka dënuar ish-kryeministrin e Kroacisë, Ivo Sanader, me tetë vjet burgim, sepse u shpall fajtor për krijimin e fondeve për partinë e tij konservatore HDZ.
Ai siguroi të ardhura, duke marrë para nga kompanitë publike përmes një agjencie të marketingut.
Sanader ka hedhur poshtë të gjitha akuzat për korrupsion dhe pritet që ta apelojë këtë vendim të gjykatës.
Ky ishte një rigjykim i një çështjeje të mëparshme, ku Sanader u dënuar me nëntë vite burgim më 2013, por vendimi u anulua nga Gjykata Supreme.
Sanader, 67 vjeç, ka qenë kryeministër i Kroacisë më 2003 deri më 2009, kur dhe u largua nga ky post pa dhënë asnjë shpjegim.
Gjykatësi tha se Sanader kishte organizuar një grup të njerëzve për të kryer aktivitete kriminale dhe për të mbuluar marrëveshjet joligjore financiare, ka raportuar media shtetërore kroate.
Partia e tij, HDZ, që aktualisht është në pushtet, është gjobitur me afro 550,000 dollarë dhe është urdhëruar nga gjykata që të kthejë 2,1 milionë dollarë fonde, të përfituara në mënyrë të paligjshme.
Sanader po vuan një dënim tjetër, pasi më 2008 u dënuar për ryshfet, sepse ndërmjetësoi që një ndërtesë që i përkiste një anëtari të partisë së tij, t’i shitej një ministrie, me çmim më të lartë se çmimi i tregut./Re.D/Fjala.al
