Siç dihet, në pritje të shortit për eliminatoret e Botërorit “Katar 2022”, që do të hidhet më 7 dhjetor të këtij viti, organizmi që qeveris futbollin kontinental, UEFA, ka shpallur edhe ndarjen e ekipeve në 6 vazo, teksa Shqipëria është në vazon e 4-t dhe Kosova në të 5-ën.
Kështu 5 vazot e para kanë në përbërje nga 10 ekipe, ndërsa vazoja e 6-të vetëm 5 ekipe, çka do të thotë se 5 nga grupet eliminatore do të jenë me 6 skuadra dhe 5 të tjerë me 5 skuadra. Në grupet me nga 5 ekipe do të jenë edhe 4 finalistet e edicionit të dytë të Ligës së Kombeve të Evropës, Italia, Belgjika, Franca dhe Spanja.
Eliminatoret e “Katar 2022” do të nisin në mars të vitit të ardhshëm dhe do të përfundojnë brenda muajit dhjetor, ndërsa në mars të 2022-shit do të luhen edhe ndeshjet e “play-off”-eve, ku do të përcaktohen përfundimisht 13 skuadrat që do të përfaqësojnë Evropën në turneun më të rëndësishëm në botë në nivel përfaqësuesesh.
Ndarja e vazove të Eliminatoreve të Botërorit “Katar 2022” është si vijon:
Vazo 1: Belgjikë, Francë, Angli, Portugali, Spanjë, Itali, Kroaci, Danimarkë, Gjermani, Holandë.
Vazo 2: Zvicër, Uells, Poloni, Suedi, Austri, Ukrainë, Serbi, Turqi, Sllovaki, Rumani.
Vazo 3: Rusi, Hungari, Irlandë, Rep.Çeke, Norvegji, Irlandë e Veriut, Islandë, Skoci, Greqi, Finlandë.
Vazo 4: Bosnje-Hercegovinë, Slloveni, Mali i Zi, Maqedoni e Veriut, SHQIPËRI, Bullgari, Izrael, Bjellorusi, Gjeorgji, Luksemburg.
Vazo 5: Armeni, KOSOVË, Qipro, Ishujt Faroe, Azerbajxhan, Estoni, Kazakistan, Lituani, Letoni, Andorra.
Vazo 6: Maltë, Moldavi, Lihteshtejn, Gjibraltar, San Marino.
l.m/Fjala.al
