Shifra alarmante janë regjistruar në Greqi në 24 orët e fundit, pasi janë konfirmuarv pozitivë me koronavirus 1498 persona, ndërsa 103 pacientë kanë humbur jetën.
Prej ditësh në shtetin fqinj po regjistrohen shifra të larta të infektimeve dhe viktimave, ndërkohë që 540 persona ndodhen në gjendje të rënduar shëndetësore.
Që nga fillimi i pandemisë në Greqi janë infektuar 91.619 persona, prej të cilëve 1630 kanë humbur jetën.
Ndërkohë Italisë duket se i kanë bërë mirë masat shtrënguese, pasi shfrat e 24 orëve të fundit janë ulur në krahasim me një ditë më parë.
28.337 raste të reja janë regjistruar në 24 orët e fundit, rreth 6 mijë më pak se dje, ndërsa 652 është numri i viktimave, 130 më pak se një ditë më parë.
