Afrika Lindore është goditur nga pushtimi më i madh i karkalecave të shkretëtirës , tha të premten Organizata e Ushqimit dhe Bujqësisë.
Kjo situatë paraqet një kërcënim të madh për sigurinë ushqimore në të gjithë nën-rajonin, ku mbi 19 milion njerëz në Afrikën Lindore tashmë po përjetojnë një shkallë të lartë të pasigurisë ushqimore, tha agjensia. Në Kenia, është pushtimi më i madh në 70 vitet e fundit, dhe qeveria thotë se popullsia është nën kërcënim. Tufat e karkalecave të shkretëtirës kanë shkatërruar kullotat në qarqet e prekura, por nëse përhapen në jug të Kenias, ata mund të dëmtojnë plantacionet e kafeve.
Qeveria po investon 5 milionë dollarë për të menaxhuar dëmet dhe për të parandaluar përhapjen e mëtejshme të karkalecave duke forcuar kontrollet në tokë dhe në ajër.
“Ky pushtim i tanishëm i karkalecave të shkretëtirës është dukshëm më i madh në madhësi dhe shkallë nga sa kishte provuar më parë në Kenia dhe e gjithë Afrika Lindore,” tha Dr. Stephen Njoka, CEO i Organizatës së Kontrollit të Karkalecave të Shkretëtirës për Afrikën Lindore.
Kushtet e parregullta të motit dhe klimës në vitin 2019, përfshirë shirat e dendur midis tetorit dhe dhjetorit, dyshohet se kanë kontribuar në përhapjen e karkalecave në rajon./Fjala.al/Burimi: CNN
