Vlora është tronditur sërish! Kësaj here nga një telefonatë e një gruaje në polici. Ajo ka treguar se të shoqit ët saj iu ka bërë pritë me armë, është qëlluar mbi të por ka mundur tub shpëtojë. Sipas të dhënave të policisë ngjarja që ndodhi paraditen e sotme në afërsi të ish-godinës së SHIK ende nuk është sqaruar por në fakt në vendin e pretenduar janë gjetur gëzhoja dhe një mjet Porsche!
Sipas informacioneve që vijnë nga Vlora, policia është njoftuar për të shtëna me armë në orën 11:40 ndërsa e mbërritur në vendin e ngjarjes ka gjetur tre gëzhoja pistolete. Dyshimet paraprake janë për një atentat të mundshëm, megjithatë rrethanat janë shumë të paqarta. Dëshmia e një gruaje, i ka çuar hetuesit drejt kësaj piste, pasi ajo ka deklaruar se bashkëshorti i saj e ka telefonuar duke i thënë se: Më qëlluan, shpëtova mirë.
Pas kësaj telefonate ai është larguar dhe ende nuk dihet nga policia se ku ndodhet. Në vendin e ngjarjes policia gjeti të parkuar, automjetin tip Porsche të personit në fjalë, makinë e cila nuk ka shenja plumbash. “Rreth orës 11:40, ka ardhur një telefonatë se një person dyshohet të ketë qëlluar me armë zjarri në ajër, në lagjen “10 Korriku” Vlorë. Janë ngritur grupe të posaçme për kontrollin e territorit dhe po punohet për kapjen e autorit.
Bëjmë me dije se nuk ka asnjë person të dëmtuar. Grupi hetimor po punon për sqarimin dhe zbardhjen e rrethanave të ngjarjes”, thotë policia në një njoftim paraprak për ngjarjen. Është rrethuar i gjithë qyteti në të gjitha daljet e veta. Mendohet se është një atentat i pastër por policia ende nuk ka sqaruar rrethanat e krimit! Pritet dëshmia e telefonueses dhe e bashkëshortit të saj për të mësuar hollësi të mëtejshme. n.k/Fjala.al/
