Kancelarja gjermane Angela Merkel në një takim virtual me Komisioneve të Çështjeve për Europën, ka folur edhe për çeljen e negociatave për Shqipërinë dhe Maqedoninë e Veriut.
Ajo është shprehur se Shqipëria ka bërë përparime, por nuk mund të premtojë se hapja e negociatave do të ndodhë këtë vit, ndërsa u shpreh se do të ndodhë shumë shpejt.
“Në rastin e Shqipërisë çështja është pak më ndryshe. Me gjithë përparimet, nuk mund të premtoj se do të ndodhë që këtë vit, por shumë shpejt”, tha Merkel.
Për sa i përket Maqedonisë s ëVeeriut, Merkel është shprehur se shpreson që ky shtet t’i rregullojë marrëdhëniet me Bullgarinë dhe të hapet Konferenca Ndërqeveritare që këtë vit.
Ministrat e Jashtëm të BE-së do të mblidhen në 7 dhjetor dhe do të vendosin për çeljen zyrtare të negociatave me Maqedoninë e Veriut dhe Shqipërinë.
Për shkak të grindjes mes Bullgarisë dhe Maqedonisë së Veriut për përkatësisë historike të maqedonasve, Bullgaria ka paralajmëruar se do të vërë veton për hapjen e konferencë së parë ndërqeveritare.
l.m/Fjala.al
