Mimi Kodheli komentoi sot edhe faktin që vendi ka mbetur pa gjykatë Kushtetuese dhe gjykatë të Lartë pas nisjes së reformës në drejtësi. Gjatë emisionit HARD TALK NGA ROLAND QAFOKU deputetja e PS tha se nuk bëhet fjalë për faj, por për një reformë të pamenduar kurrë më parë dhe që sipas Kodhelit është në rrugë të mbarë.
-Gjatë këtyre tetë viteve në Shqipëri ka ndodhur reforma më e pamundur dhe më e pamenduar siç ishte reforma në drejtësi.
-Dhe në Shqipëri ka ndodhur ajo që s’kemi gjykata zonjë.
-Ne degjeneruam në këtë sistem sepse bëmë magjistratë, avokatë, gjykatës, prokurorë, me gjashtë muaj shkollë. Me shkollën e plepave. Me gjashtë muaj nuk bëhesh dot magjistrat. Nuk bëhesh dot gjykatës, nuk bëhesh dot prokuror. Në çfarëdo sistemi që të jesh dhe të shkosh, nuk bëhesh dot. Mësimi që i kemi dhënë të tjerëve është që ti po të bësh gjashtë muaj shkollë bëhesh me universitet. Pse duhet të bëjnë njerëzit shkollë kur me 6 muaj bëhen magjistratë. Ky është një mesazh i gabuar që i dhamë. U bënë të pasur pa shkollë, pa djersitur, pa qenë të talentuar, duke marrë një rrugë tjetër. Ky është mësimi më i keq që i kemi dhënë këto 30 vjet shoqërisë shqiptare./Fjala.al/Ke.Ba
