Kryetari i PD-së, Lulzim Basha ka thënë se opozita nuk i druhet asgjëje në zgjedhjet e 25 prillit pasi do të mirëpresë vendimin e popullit, por tha se “parlamentaret” e 2021 kërcënohen nga Edi Rama dhe ankthi i tij se mund t’i humbasë ato.
Përsa i përket të pastrehëve nga tërmeti i 26 nëntorit, Basha u shpreh se ende ka shumë qytetarë në çadra dhe se do të bëjë çmos që pas 25 prillit çdo person të ketë një vend ku të fusë kokën.
me rastin e Ditës së Rinisë pas tre ditësh, kryedemokrati duke kujtuar liberalizimin e vizave në 2010, tha se me ardhjen e PD në pushtet do të bëhet e mundur integrimi në BE.
Pyetje: Çfarë i kërcënon dhe i bën të pasigurta zgjedhjet e 25 prillit?
Basha: Edi Rama dhe makthi i tij se do t’i humbasë zgjedhjet.
Pyetje: Çfarë i druhet më shumë opozita në zgjedhjet e 25 prillit?
Basha: Opozita nuk ka asnjë frikë, është e vendosur që t’i prijë vullnetit popullor për ndryshim.
Pyetje: 1 vit pas tërmtit, cili është informacioni që keni për gjendjen e të pastrehëve nga tërmeti?
Basha: 1 vit pas tërmetit ka njerëz në çadra. Në 7 vite nuk kanë mbajtur asnjë premtim. Dua të siguroj të gjitha familjet shqiptare që 25 prilli do shënojë një ndarje të kësaj praktike dhe do bëjmë të mundur ecjen përpara për sigurimin e shtëpive të reja po dhe për dhënien e ndihmave financiare. Nuk do të humbasim asnjë orë për të ndihmuar.
Pyetje: Pas tre ditësh është Dita e Rinisë, 30 vite më pas, sa ndiheni përgjegjës që sot e 30 vite dhe ne ende s’i kemi çelur negociatat me BE?
Basha: Në 15 vitet e para e kam ndjekur nga jashtë. 8 vitet e mia të para i kam dhënë kontributet e mia, bëmë të mundur heqjen e vizave.
Lëvizja e lirë ishte slogani i popullit dhe i studentëve të dhjetorit dhe unë e kam përmbushur disi këtë. Nesër do bëjmë të mundur dhe përfshirjen e Shqipërisë në Europë. Me ne gjërat do të jenë ndryshe.
Ata që nuk besonin në heqjen e vizave sot vetëm me pasaportë mund të vizitojnë të afërmit e tyre kudo në Europë.
l.m/Fjala.al
