Mosmarrëveshjet mes dy shokëve, Vilson Tafçiut dhe Noel Dishi, njëri viktima e tjetri i dyshuar si autor, kanë nisur dy vjet më parë dhe kanë vijuar deri natën në vrasjes.
Në dëshminë e tij para gjykatës, në seancën e caktimit të masës së sigurisë, i dyshuari ka dhënë detaje në lidhje me konfliktin që ka shoqëruar për më shumë se dy vjet ‘dy shokët”.
Noel Disha, vrasësin e dyshuar të Vilson Tafçiut ka treguar për togat e zeza përplasjet mes tij dhe shokut. Burime nga gjykata bëjnë të ditur se Dishi ka deklaruar se ai u mor peng dy vite e gjysmë më parë në Durrës.
Burimet bëjnë të ditur se se ai i mbajt në një bagazh makine nga tre persona dhe pas disa orësh u la i lirë në Vorë. Rrëmbimi u hetua nga Krimet e Rënda por me shkrirjen e tyre dosja i kalua në prokurorinë e Durrësit.
Ditën e ngjarjes Dishi ishte në prokurorinë e Durrësit ku dha deklarime për rrëmbimin. Nga salla e gjyqit ai deklaroi se u telefonua nga Vilson Noka Tafciu dhe e lanë të takoheshin te Artisti.
“Debatuam dhe Vilsoni më tha se do ta bëj me keq se sa ta kanë bërë. Do të mbaj në bagazh të makinës dhe do ta thyej kokën. Më pas edhe më shau. Tentova të largohesha por ai vijonte me të njëjtën mënyrë. Atëherë e kam qëlluar. U trondita kur kuptova se çfarë bëra.”, tha Dishi.Arma e krimit dhe celulari i Dishit nuk janë gjetur nga policia.
