Ish-trajneri i Kombëtares kuqezi nuk e fiton dot betejën me virusin korona. Ish-trajneri i Kombëtares kuqezi, Oto Bariç, është ndarë të dielën nga jeta në moshën 88-vjeçare.
Sipas asaj që raportojnë mediat kroate, por edhe ato austriake, Bariçi nuk ka mundur dot t’i mbijetojë një infeksioni të rëndë me virusin korona dhe ndërroi jetë në kryeqytetin kroat, në Zagreb.
Njeriu që u lind në Eisenkapel, pranë Klagenfurtit, e kaloi jetën e tij midis Austrisë dhe Kroacisë dhe pati një karrierë të pasur si trajner, duke nisur nga 1964-ra, me Lokomotivën e Zagrebit, e deri në 2007-ën, kur ai largua nga stoli kuqezi.
Në fakt, Oto Bariçi kishte drejtuar Austrinë në edicionin 1999-2001, dhe Kroacinë në atë 2002-2004, përpara se të merrte drejtimin e Shqipërisë në edicionin 2006-2007.
Ai zëvendësoi në këtë detyrë në qershor të 2006-ës Hans-Peter Brigelin, dhe nga 16 gushti i atij viti e deri më 21 nëntor të 2007-ës, ai e udhëhoqi Kombëtares në 15 ndeshje, miqësore dhe zyrtare dhe miqësore, duke korrur 4 fitore, duke marrë 5 barazime dhe duke pësuar 6 humbje.
Bariçi debutoi në stolin kuqezi me një barazim 2-2 në Bjellorusi më 2 shtator 2006, duke vijuar të mundur 0-2 në shtëpi përballë Rumanisë, por më pas mori barazime Bullgarinë dhe Slloveninë dhe dy fitore me Luksemburgun.
Shqipëria e tij u mund në mënyrë kontradiktore në shtëpi përballë Holandës. Por fushata eliminatore e Euro 2008-ës u mbyll keq për kuqezinjtë e Oto Bariçit, që u mundën 2-4 në shtëpi me Bjellorusinë dhe 1-6 me 1-6 në Rumani, çka çoi në shkarkimin e tij.
l.m/Fjala.al
