Sot në Kuvend u votuan edhe emërimet e dy ministrave të rinj, Bledi Çuçi në krye të Ministrisë së Brendshme dhe Milva Ekonomi në krye të Ministrisë së Bujqësisë. Bledi Çuçi dhe Milva Ekonomi u votuan me 97 voto pro dhe 4 kundër.
Ajo që vihet re është se në emrat e deputetëve në parlament që votuan kundër është edhe Mimi Kodheli. Po ashtu kundër ka votuar edhe Adriatik Alimadhi, Korab Lita dhe Zef Shtjefni.
Deputetja Mimi Kodheli foli në një lidhje direkte në Open në Top Channel sqaroi gjithçka duke thënë se ishte një lapsus.
“Dua të sqaroj publikun se ky ishte një lapsus. Unë jam në moshë të madhe dhe kam nevojë për syze. Mendova se po votonim kundër”, sqaroi ajo.
