Bledi Çuçi dhe Milva Ekonomi janë betuar para presidentit Ilir Meta në detyrat e reja që kanë marrë në kabinetin qeveritar, respektivisht si ministër i Brendshëm dhe ministre e Bujqësisë dhe Zhvillimit Rural.
Ceremonia e betimit të tyre është zhvilluar në ambientet e presidencës mesditën e sotme.
Bledi Çuçi do të zëvendësojë në këtë post ish-ministrin Sandër Lleshaj, i cili dha dorëheqjen pas vrasjes së të riut Klodian Rasha nga policia, ndërkohë që Milva Ekonomi do të zëvendësojë Çuçin në detyrën si ministre e Bujqësisë.
Ceremonia e betimit zgjati disa minuta, ndërsa Ministri i Brendshëm i sapoemëruar si dhe ministrja e Bujqësisë shkuan në Presidencë të shoqëruar nga Engjell Agaçi, sekretari përgjithshëm i Kryeministrisë./Bl.Ba/Fjala.al
