Policia Tiranës ka parandaluar një ngjarje e cila mund të kishte një fund tragjik në qytetin e Tiranës. Një 61-vjeçar ka shkelur urdhrin e mbrojtjes dhe ka kërcënuar për vrasje bashkëshorten e tij.
Shërbimet e Komisariatit nr.2 në Tiranë kanë shkuar menjëherë në vendngjarje pasi kanë marrë telefonatën se 61-vjeçari ka shkelur urdhrin e mbrojtjes dhe ka shkuar në banesën e bashkëshortes dhe pasi ka ushtruar dhunë fizike dhe psikologjike e ka kërcënuar me thikë.
Materialet i kanë kaluar Prokurorisë pranë Gjykatës së Shkallës së Parë Tiranë dhe 61-vjeçari do të përballet me veprat penale “Dhuna në familje” dhe “Veprime në kundërshtim me vendimin e gjykatës”.
Njoftimi i policisë:
Shkel urdhrin e mbrojtjes dhe kërcënon me thikë për vrasje bashkëshorten, në banesë, por falë reagimit të shpejtë të Policisë vihet në pranga 61-vjeçari.
Sekuestrohet një mjet prerës(thikë), me të cilën ka kanosur bashkëshorten.
Pas njoftimit të marrë se shtetasi F. B. kishte shkelur urdhrin e mbrojtjes dhe kishte shkuar në banesën e bashkëshortes dhe pasi ka ushtruar dhunë fizike dhe psikologjike e ka kanosur me thikë për ta vrarë, shërbimet e Komisariatit Nr. 2 kanë reaguar menjëherë duke parandaluar ngjarjen dhe duke vënë në pranga 61-vjeçarin.
Bashkëshortja e këtij shtetasi ishte e pajisur me urdhër mbrojtje nga Gjykata, pasi 61-vjeçari kishte ushtruar në mënyrë të përsëritur dhunë fizike e psikologjike ndaj saj.
Materialet iu referuan Prokurorisë pranë Gjykatës së Shkallës së Parë Tiranë, për veprat penale “Dhuna në familje” dhe “Veprime në kundërshtim me vendimin e gjykatës”./Fjala.al
