Konspiracionisti Alfred Cako ka paralajmëruar në emisionin “Rrethi Katror” në Top Channel se në muajt shkurt dhe mars do të shfaqet një virus i ri, ndryshe nga COVID-19. Sipas Cakos, ky virus do të quhet COVID-2021 dhe do të jetë më i rrezikshëm dhe do shkaktojë çarje të lëkurës tek njerëzit.
“Kam thënë që në prill që do të ketë një virus tjetër më të rrezikshëm. Tani kemi të bëjmë me një mutacion. Unë e kam fjalën për në muajt shkurt dhe mars ku do shfaqet një virus i ri, jo mutacion. Do quhet Covid-2021. Do jetë më i rrezikshëm, do ketë çarje të lëkurës dhe do shkaktojë sëmundje të forta në lëkurë.“, tha Cako.
Gjithsesi, konspiracionisti shtoi se kjo varet se kush do të jetë president i SHBA. Ai beson se do të rikonfirmohet Trump, edhe pse Biden është shpallur tashmë si presidenti i zgjedhur i SHBA.
