Luhen 3 të parat javës së 16-të të Superiores, Kastrioti ndal Vllazninë pa gola në Shkodër

113 563 lexime

124,178FansaPëlqeje

Fiton Kukësi, Skënderbeu dhe Apolonia ndajnë pikët në Korçë. Kategoria Superiore ka luajtur sot 3 takimet e para të javës së saj dhe pasdreke u zhvilluan dy prej tyre. Duke nisur nga ora 16:45 është luajtur përballja Vllaznia-Kastrioti, që u mbyll me rrjeta të paprekura, ndërsa dy takimet e fundit luhen të hënën.

Në fakt, Kategoria Superiore e Kampionatit Kombëtar të Futbollit ka luajtur të dielën pasdreke dy takimet e para të javës së 16-të dhe në Stadiumin “Elbasan Arena”, Kukësi ka kapërcyer pësimin e një goli dhe fituar me përmbysje 2-1 ndaj Bylisit.
Stojanoviç i ka kaluar ballshiotët në epërsi në minutën e 26-të, por, 5 minuta para fundit të pjesës së parë, Ibraimi shënon për Kukësin. Në barazim 1-1 mbyllet 45-minutëshi i parë, ndërsa në të dytën, Eze do të gjejë rrugën e rrjetës për verilindorët, që përmbysin gjithçka dhe fitojnë me rezultatin 2-1 ndaj Bylisit, që zhytet në zonën e ftohtë të rënies nga Kategoria Superiore. Ndërkaq, në Korçë, Skënderbeu është ndalur në barazim 1-1 përballë Apolonisë, në atë të ishte një betejë për mbijetesë.

Dy 11-metërsha, një i realizuar nga Meksi për vendasit, në minutën e 49-të, dhe një nga Gjata për fierakët, kanë bërë që të dyja skuadrat të ndajnë nga një pikë. Takimi i 3-të i së dielës është luajtur pasdite dhe Vllaznia ka pritur në Shkodër Kastriotin. Pavarsisht se e ka mbizotëruar lojën dhe ka patur edhe dy pretendime për 11-metërsh, njëri prej të cilëve, i qenësishëm, skuadra vendase, e drejtuar nga trajneri gjerman, Tomas Brdariç, nuk ka arritur ta thyejë dot qëndresën e krutanëve.

Mbyllet kështu 0-0 përballja e luajtur në Stadiumin “Loro Boriçi” të Shkodrës dhe Vllaznia ndalet në barazimin e 3-të këtë sezon, ndërsa për Kastriotin ky ishte i 6-ti. Kurse dy takimet e fundit luhen të hënën dhe pasdreke, Tirana pret në kryeqytet Laçin, ndërsa duke nisur nga ora 16:45, Partizani përballet me Teutën në Durrës, në duelin e dy skuadrave ndjekëse të Vllaznisë kryesuese.

Të fundit

A do të ketë reshje shiu?/ Parashikimi i motit për ditën e nesërme

Ditën e premte vendi ynë do të jetë në ndikimin e kushteve atmosferike të qëndrueshme. Moti parashikohet kryesisht i kthjellët...

Rama ndan fotot/ Privilegj të isha ndër të ftuarit e nderit të Ursula von der Leyen

Kryeministri Edi Rama ka publikuar në rrjetin social Facebook foto nga ceremonia e akordimit të çmimit “Karli i Madh” (Charlemagne) për presidenten e Komisionit...

“Ishte si mall kinez”/ Paratë për LaCivita të shkuara dëm, nuk ndodhi asgjë.!

Analisti Martin Leka e komentoi angazhimin e LaCivita në fushatën e demokratëve si para e shkuar dëm. “Gjetja e opozitës, nëse shumën që nuk e...

Zgjedhjet e 11 majit/ Noka: Nga administrata deri tek SHISH u shndërruan në patronazhistë

I ftuar në emisionin “Log.”, Sekretari i Përgjithshëm i PD, deputeti Flamur Noka, ka akuzuar qeverinë për shkelje flagrante të standardeve demokratike gjatë zgjedhjeve...

VIDEO/ Panik në ajër, pasagjeri i dehur godet stjuardesën, bërtet se avioni do rrëzohet

Një pasagjer i dehur në një fluturim nga Spanja për në Mbretërinë e Bashkuar shkaktoi trazira kur sulmoi një stjuardesë dhe bërtiti se avioni do të rrëzohej, ndërsa refuzoi...

Lajme të tjera

Web TV