Një vajzë 28-vjeçare e infektuar me Covid-19 në muajin e fundit të shtatzënisë, ka lindur ditën e sotme foshnjën e saj dhe për shkak të komplikacioneve u dërgua me urgjencë tek spitali Covid 2.
Sipas informacioneve nga bluzat e bardha, mësohet se lindja e foshnjës është bërë në maternitetin “Koço Glozheni”, ndërsa 28-vjeçarja u dërgua për të vijuar kurimin nga koronavirusi.
Për foshnjën e sapolindur po kujdeset stafi mjekësor dhe familjarët. Sipas informacioneve rezulton se 28-vjeçarja vijon të jetë në gjendje të rëndë shëndetësore.
