Protestat kundër reformave të presidentit Macron vazhdojnë të pushtojnë rrugët e Parisit. Gjatë protestave të sotme policia franceze është përleshur me zjarrfikësit. Këta të fundit kërkojnë rritjen e pagave dhe përmirësimin e kushteve të punës.
Ata kërkojnë gjithashtu edhe një rritje të bonusit për shkak të rreziqeve në punë, bonus i cili nuk a ndryshuar që nga viti 1990.
Nga ana tjetër, policia gjuajti drejt protestuesve me gaz lotsjellës dhe goditi disa protestues me shkopinj gome.
Kjo është protesta e radhës pas atyre të vitit të kaluar në tetor të vitit 2019, me të njëjtat kërkesa.
Franca po përballet me trazira të shumta pasi sindikatat janë mobilizuar kundër planeve të presidentit, Emmanuel Macron, për të reformuar sistemin e pensioneve./Fjala.al/
