Këtë vit, festivali i “Kënga Magjike vjen ndryshe. Me mbylljen e bareve dhe klubeve të natës dhe mungesën e koncerteve, artistët kanë qenë ndër ata që janë prekur më shumë nga pandemia.
“Kënga Magjike” këtë vit do të vijë ndryshe, shkruan politiko. Përveç ndarjeve simbolike të çmimeve, krah çmimeve do të jepen dhe para.
“Interesimi i artistëve për festivalin magjik na ka prekur. Edhe pse në një situatë pa aktivitete, përsëri dëshira për të investuar për dashurinë e tyre – këngën, është impresionuese,” u shpreh Ardit Gjebrea në Instagram që është dhe producent i programit.
“Ndaj në shenjë mirënjohjeje, produksioni i Këngës Magjike ka vendosur që për çmimin e parë të festivalit të japë 500,000 lekë, ndërsa për 19 finalistët e tjerë, nga 200,000 lekë.”
