Janë shumë interesante marrëdhëniet e kryeministrit të ri të Kosovës Albin Kurti me politikanët shqiptarë. Ato kanë shënuar ulje e ngritje dhe tashmë mund të themi se ka një ndarje të atyre që mbështesin në Tiranë dhe atyre që nuk e mbështesin. Për analistin Plaka kjo do të sjellë një frymë të re të këtyre marrëdhënieve.
–Liderat tanë politikë kanë krijuar marrëdhëniet e tyre me liderat e Kosovës. Si i analizoni këto marrëdhënie?
-Kanë qenë gjithmonë tendencat e Tiranës për paternalizëm ndaj Kosovës . Basha duket se ka një lloj këndvështrimi tjetër, është një lloj prerjeje tjetër, ku sheh përtej aspektit ideologjik . Më duket luks i tepruar për zgjedhësit shqiptarë dhe po shohim se gjithkush e pranon se po shkon drejt pragmatizmit, po e shohim si majtas si djathtas, tonet janë shumë të ngritura, pamë për çështjen e këmbimit të territorit, është ajo që i ndau vërtet Kurtin dhe Ramën . Kjo ka sjellë ndoshta dhe afrimin më të madh mes Bashës dhe Kurtit , po sikurse dhe kalkulimet politike per atë që mendohet të vijë nesër në pushtet , i cili do të ketë një marrëdhënie të mirë me ekzekutivin kosovar./Fjala.al/Ke.Ba
